香港新浪網 MySinaBlog

今次北海道之旅既反應好熱烈,多謝大家既支持!

Nokiatravelship Crew 之前收到有D朋友仔既通知,話因為技術問題,send 唔到email  比我地…… 

不過大家唔駛擔心~ 我地已經解決左個問題喇! 所以之前send 過或者send 唔到作品俾我地既朋友仔,可以再send 多一次去以下email address:
webproj@nokia.com

多謝大家 !!


講北海道唔介紹溫泉,點講得通呀?而北海道既溫泉又多不勝數,大家既假期又唔係多,所以好多時只能精選一個……要去,當然去個最特別架啦!一於去全日本唯一一個冰上露天溫泉–然別湖啦!

然別湖係全北海道最高既湖,位於十勝地區800米既高地!每年冬天,果到都會搭建一條冰村,冰村入面就有呢個冰上露天溫泉,考驗大家既耐寒能力!

浸呢個溫泉係費用全免既~ 不過大家要先刻服係冰天雪地下除衫既難題……經此一役後,相信大家會明白係雪房既凍肉係咩感覺!一跳入熱辣辣既溫泉入面,即時有「地獄天堂」既反差~ 當然,起身上水又係另一個大考驗啦!

Photo originally uploaded by violet, teresa, Susan5443 and 喫遊趣

 (閱讀全文)

冬天去北海道梗係最恨睇雪景啦!咁你想唔想知道更多有關雪既形狀同雪既故事呢?

旭川郊外既山丘上面有間佔地八萬平方米既美術工藝村,村裡面所有既建築都係以歐洲為藍本。當中既雪之美術館內就一年四季無間斷展示各種雪既美事,原來雪既形狀五花八門,多姿多采,淨係賞雪已經係件賞心樂事啦!

其中有一間房更加收集左過百種雪花結晶既樣,而外廳有個演奏位置,個藍天畫作天花好有氣勢架!走廊既中途有條冰之走廊,兩邊都係雪柱,令到遊人以為自己行左入冰格架!

photo originally uploaded by Bono Tsang, Zoar

 (閱讀全文)

冬天既北海道,動輒都凍到得零下十幾度……個個都凍到好似冰雕咁……

好彩日本係一個好先進同好體貼既國家!係白雪紛飛中見到一部發光既大機器,只要入d銀仔入去,佢就會為係跌出暖到入心既食物同飲品!日本既自動販賣機,款式之多仲會令你意想不到tim~ 有拉麵飯團粟米湯紅豆沙熱朱古力……全部都熱辣辣,食完之後成身暖笠笠,令你有更多精力玩轉北海道

去到日本,記得周圍試下呢d唔同既自動販賣機喇!有d款式仲係限量版,可能去到第二到搵唔番架!

photo originally uploaded by Wales Yu, Joyce Lee, 小橘, basara, pisece

 (閱讀全文)

係白雪中過聖誕已經夠哂氣氛!想再勁d,不如學日本人搭聖誕蒸氣火車,去到浪漫既小樽,係絮雪飄揚下搭蒸汽火車真係好有feel 架!

JR北海道推出既SL 聖誕小樽號,列車以色佈置成名符其實既聖誕列車,旅客們會帶住便當同啤酒上車,成架車都瀰漫住一片快樂既節日氣氛。車上面仲有著住聖誕老人衫既服務人員,佢地會向乘客派聖誕卡架~

這部火車相當受歡迎,如果要搭既話就要提早預約喇!

photo originally uploaded by basil

 

 (閱讀全文)

Next